Pathian Thil Rêl Dân Chu

Pathian thil rêl dân chu,
A va mak êm!
Hriat phâk rual loh a ni,
A tum zauzia;
Thil tê ber pawh a vêng,
Vân thil a rêl kim e;
Pathian ruat ang zêlin,
Engkim a thleng.

Min Vêngtu Chu Lalpa A Ni

Min vêngtu chu Lalpa a ni,

Tlachhamin ka awm lo vang;

A ṭhatna dang chuang ngai lo kha,

Chatuan ka ta a lo ni.

Lalpa, Kan Lungpui, Kan Himna

Lalpa, kan lungpui, kan himna,
Thlipui, ruahpuia kan phen tûr;
Hlauhawm tinrênga kan himna,
Thlipui, ruahpuia kan phen tûr.

Kan Pathian, Kan Puipa Pângngai

Kan Pathian, Kan Puipa pângngai,
Kan hma lam beiseina;
Kan hliahkhuhna, khaw dur thlen lai,
Kan chatuan in – Nangmah.

Lalpa Jeho, Nang Min Hruaitu

Lalpa Jeho, Nang min hruaitu,
Ram thianghlimah min thlen la;
Kei ka chak lo, min ṭanpuitu,
I kut chakin min chelh rawh.

Khawvêlah Pathianin

Khawvêlah Pathianin,
Hmun tinrêng a awh kim;
Amah a hnai reng fo,
Thlarau chak lote tân;
A aw hriat phâkin a hnai reng,
Ka tân a ṭha Pathian hnaih chu.

Kan Pathianin Min Hruai Zêl Ṭhin

Kan Pathianin min hruai zêl ṭhin,
Chu chu hriain ka lâwm êm êm;
Ka thiltih zawng ka tih apiang,
Ama kutin min hruai zêl thîn.

Pathian Thil Rêl Dân Chu

Pathian thil rêl dân chu,
A va mak êm!
Hriat phâk rual loh a ni,
A tum zauzia;
Thil tê ber pawh a vêng,
Vân thil a rêl kim e;
Pathian ruat ang zêlin,
Engkim a thleng.

Aw, Rinna Thûk Nei Ila

Aw, rinna thûk nei ila,
Vân angel-te nênin;
Chhandamna tuipui chhûngah,
Thurûk awm en tûrin;
Awm dân pahnih inremin,
Amahah an luang hmun;
Infin lovin thianghlimin,
Famkim an awm dûn.

Hmânlai Farawa Bâwihte Kha

Hmânlai Farawa bâwihte kha,
Pathianin a hruai chhuak;
A thiltihtheihzia entîr nân,
Tuipui luang a chawlhtîr.

Kan Pa, Vân Ropuia Mi

Kan pa, vân ropuia mi,

I hming zahawm se kan ti;

I ram thianghlim lo thleng se,

Kan ei tûr min pe ang che.

Vâna I duhzâwng tih ang,

Lei chunga mi’n ti sela;

Ram, tihtheihna, ropui nên,

Chatuan I ta reng, Amen.

Aw Lal Pathian, I Kutchhuak Thilsiam Tinrêng

Aw Lal Pathian, I kutchhuak thilsiam tinrêng,
Dâwn changin mak tiin ka lo khat ṭhîn;
Zântiang siâr zozai leh chung khawpui ri,
I thil tih theih boruak zauva lang nên.

Kan Pathian Kulhpui Nghet A Ni

Kan Pathian kulhpui nghet a ni,
Himna hmunpui, chhe thei lo;
Sualna tuilian fâwn vêl mah se,
A nghîng lo vang, kan himna.
Setana râl lian chuan,
Fing tak leh thiam takin,
Vervêkna râlthuam nên,
Min tihchhiat a tum reng;
Leian hneh thei an awm lo.

Aw Pathian, Nang, Lalber I Ni

Aw Pathian, Nang, Lalber I ni,
Kan rilru min en ṭhîn;
Engkim kan ruat hi Nangmahin,
I hmu reng ṭhîn a ni.

Pathian Mite U, A Thu Puang Rawh U

Pathian mite u,
A thu puang rawh u;
A hming mak tak chu,
Ram tinah hril r’u;
Thil zawng zawng ngamtu leh
Chhandamtu a ni;
Ram zawng zawng Lalber leh
Khawvêl awptu chu.

Haleluia, Aw Halelui, Amen

Haleluia, aw Halelui, Amen,
Kalvaria hmangaihna thisen zârah,
Ṭahna ram leh Lungngaihna zân thim hi,
Hlimna vân pialrâl khian a rawn ên.

Engkim Kan Hmuhte Hian An Fak A Che

Engkim kan hmuhte hian an fak a che,
I thu ruat zawng zawng pawh an zâwm zêl e;
Va aw mawi neaten fak che an ning lo,
Hlim takin hla an sa fo.

Lal Engkimtithei Chuan

Lal Engkimtithei chuan, Chatuanin ro a rêl dawn,
A ropuina leh thuneihnate chu Chatuanin a zual zêl ang.

Aw, Vân Lalpa Chu Rawn Fak R'u

Aw, vân Lalpa chu rawn fak r'u,
In lâwm hla nên chawimawi r’u;
Tlan chhuah, ngaihdam leh chhandamte,
Lâwmin a hma i kûn ang.
Fak r'u, fak r'u, fak r'u,
Fak r'u, chatuan Lalpa chu.

Engkimtithei Lalpa Leh Kan Pathian Chu

Engkimtithei Lalpa leh kan Pathian chu fak rawh u,
Aw ka nunna,  amah fak rawh, chhandamna min petu;
Mi tinte u, a in thianghlim rawn pan r'u,
Lâwm takin amah i fak ang .

Aw Lalpa, Davida Leh A Thlah Arsi

Aw Lalpa, Davida leh a thlah Arsi,
I felna ram atân Nangin min buatsaih;
Ka lâwmna tuifinriat angin a liam a,
Thih lui kamah zain I hming ka fak ang.

Aw Haleluia! Lalpa Ropui Ber

Aw Haleluia! Lalpa ropui ber,

A fakna kilt inah fâwn se;

Hnam tin Lal ropui leh zahawm ber chuan,

Mi thinlung chhûngah thu han sawi leh rawh.

Kan Fak Fo Vang Che

Kan fak fo vang che, aw Lalpa, kan Pathian,

Lal Isua, I Fapa min pêk avângin.

Zîngah Savaten Pathian An Fak A

Zîngah Savaten Pathian An Fak A,

Pangpârin a ropuizia a entîr fo;

A thil siam zawngin amah an chawimawi,

Mihring chauh lo chu zirtîr an ngai lo.

Leilung Pian Hmain Thu Chu A Awm

Leilung Pian Hmain Thu Chu A Awm,
Pa Pathian nên Chatuanin a inzawm;
Engkim a zain aman a siam,
A siam loh a awm lo, khawvêlan.

Pathian ropui rawh se, Chhandamna petu

Pathian ropui rawh se, Chhandamna petu,

Khawvêl hmangaih vângin a Fapa min pe;

Ka sual tlanna tûra a Nunna pein,

Chhandamna kawng a hawng, mi tin luh theih nân.

Lalpa Chu Chawimawi R’u

Lalpa chu chawimawi r’u, Pathian chaka chu,
Chhandamna mak tak leh kan pialrâl kalkawng;
Min hrilh tawh avângin amah chu fak r’u,
Meialh leh chhûmding zîngah min hruai zêl a.

Aw, Hmangaihna Sawi Thiam Ila

Aw, hmangaihna sawi thiam ila,

Nazaret Isua ngei kha;

Chuti takin min hmangaih a,

Mi sual thiam loh chang tawh hnu.

Aw Hmangaihna, Min Thlah Lotu

Aw Hmangaihna, min thlah lotu,

Nangmahah ka thla chau a châwl;

Ka pe kîr che ka nun bat chu,

Tin, I thûknaah a luang ang;

Ngahin a khat zual ang.

Aw Isu, Kei Min Kal Pêl Suh

Aw Isu, kei min kal pêl suh,

I hnên awm ka duh;

Mi dangte pawh I koh laiin,

Kei, mi kal pêl suh.

Aw Hmangaihna, Khawvêl Êntu

Aw hmangaihna, khawvêl Êntu,

Kalvari tlâng thing kraws chungah;

Ka Lalpan a thlen chu

Ka ngaihtuahin a va hlu êm!

Thihna râpthlâk ka tân tuarin,

Thisen hlu a luantîr.(2)

Aw, Hmangaihna Ka Sawi Thiam Lo

Aw, hmangaihna ka sawi thiam lo,

Na, ka ngawi thei lo;

Lei leh vân Lalpa, ropui leh thianghlim mawizia,

Haleluia, thiam tâwk tal hian, aw, I thlîr ang u.

Aw Haleluia! Lalpa Ropui Ber

Aw Haleluia! Lalpa ropui ber,

A fakna kilt inah fâwn se;

Hnam tin Lal ropui leh zahawm ber chuan,

Mi thinlung chhûngah thu han sawi leh rawh.

Hruai kîr leh ang che kal bo tate,
Muthlute chu kai tho leh ang che;
Khawvêl hruaitu, Arsi ropui ber,
Bona ram leh Lungngaihna ram chhun êng rawh.

Lal Davida leh hruaitu Mosi-a,

Lei arsi lian an her liam ta;

Tûnah Lal Krista leh Thlarau Thianghlim,

Kan Puithiam Lalber leh kan Arsi chu.

Tui leh leilung reng an din chhuah hmain,

Hriat phâk loh Pathian I lo ni;

Ni leh thla leh arsite zawng zawng khian,

I zârah ênna ropui an nei ve.

Thuneihna ropui, chawimawina sang ber,

Malsâwmna nei tlâk a ni e;

Leilung pian laia talh tawh Berâmno,

A thisenin khawvêl chhandam rawh se.

Aw Fak R’u, Pathian Berâmno

Aw Fak R’u, Pathian Berâmno,

Kalvari-a thi kha;

Nangmah leh keimah min tlân nân,

A thisen a chhuak ta.

Aw Chhandamtu, Sual Leh Buaina Kârah Hianin

Aw Chhandamtu, sual leh buaina kârah hianin,

Thlarauvin min hruai ang che;

I thisena I tlân sate suala hliamin,

Lâwmna lupui luang lai an châwl e.

Albatross - Beisei Bo

Hun kha leh chen hlim leh lungrual ten,
hlim lai ni par tlanin kan leng;
I sakhmel ka chhing mitthlaah a cham,
I sakruang ka tawnmanga a cham ṭhin.

An Ruat Lal Imanuela

An ruat Lal Imanuela,
Adam thlah sual avângin;
Vân ropui rangkachak ram pêlin,
Judai ram Bethlehem-ah,
Hmun a awm lo Lal pian nân,
A nghâk ran thlêng Bethlehem daiah.

Lâwmin i zai ang u,
Min Tlantu a piang ta;
Haleluia, a hming i fak ang;
Lei chungah rem lêng se,
Hnam ze tinrêngte tân,
Kan tân damna a rawn thlen ta e.

Kaisar lal hming ziak laiin,
Bethlehem berâmpute,
An vêl lal ropuiin a chhun êng;
"Hlau suh ulang, ngai rawh u,
Chanchin lâwmawm ka rawn thlen,
Chhandamtu a piang ta e," tiin.

I ngai lo'm ni, Chhandamtu,
Lung man tam khawpui tual nuam,
Engah nge ranthlêng chunga i zâl?
"Aw, ka ngai, ka vân khawpui,
Mahse, nangmah vâng hianin,
Lei hrehawm thimah ka vai a ni."

Khawvêl lal tam tak an piang,
In mawi ropui tak chhûngah;
En teh, vân Lal pianna bâwng in saw,
Aw, ka thla, i Lal a ni,
Zâwtin zawng la, ranthlêngah,
A chûn riang Marin a chawi, an ti.

Albatross - Lunglawm A Kim Thei Lo Lyrics

Ka thinlai ruka a cham ngaihzuali
Nangnen kan len lai ni dawn kir changin
Nghilh ni i awm thei lo sakhmel mawi
Suih lunglen mai hi maw ka chan tawk

Mahriak ten lunglawm a kim thei lo
Theih chang se nangnena leng dun'an
Ṭhen lohna par thliak ka nuam e

Khiangawia mual min liam san hi dawn ve la
Nang ngaih lai suih lunglen ka bang thei lo
Lenrualte nen hlimin len ṭhin mah ila
Dawn lungruk a kim thei si lo

Chuti duhthu ka sam ṭhin nunhlui liam hnu au kirin
Hmangaihna thukim min hlan leh la ka lung lawm nan

Mahriak ten lunglawm a kim thei lo
Theih chang se nangnena len dun'an (u3) X2
Ṭhen lohna par thliak ka nuam e

Amaha Zâra Damin Amah Kan Hloh

Amaha zâra damin amah kan hloh,

Amah hmuhna a lo awm;

Kan Pa, kan zawn kumkhua kha kan lo hre lo,

A tivuiin kan inkhâwm.

A Saw Râltiang Tlângah Kraws Hlun Tak

A saw râltiang tlângah, kraws hlun tak chu a ding,
Tuarna leh mualpho târlanna chu;
Kei ka tân chu kraws chu, ngaihhlutawm ber a ni,
Mi sual tân mi ṭha ber a thi si.

A Ral Mêk Lei Ninawm Hi

A ral mêk lei ninawm hi,

Vân nuam a lang dawn ta;

Ka rûm ṭhîn chu ram thlîrin,

Lo lang tûr ram mawi chu.

Lei, zân angin thim mah se,

Ropuina ên vêl ram;

A hnai mêk rangkachak tual,

Imanuel ram khi.

A Pui A Pangte U

A pui a pangte u,

A khawngaihnaah hian,

Tûnah lo kal vek r’u;

Kal bo leh tawh lovin.

A tlai ta hle hmanhnawh ula, (2)

Khawngaihna kawng a hawn chhûngin.

A Mia’n Riang Maw, Vân Mi A Lo Piang

A mia’n riang maw, vân mi a lo piang,

Bethlehem bâwng in tlâwm a nghâk e;

Amah chu mihring leh Pathian a ni,

Lal leh Chhandamtu nih a fâwm.

A mak mang e, vân Lalber chuan

A mak mang e, vân Lalber chuan,

Inngaitlâwma hringmi a chan lai khan,

Nuamsa thei khan hrehawm tinrêng chu tuarin,

Ranthlêng leh kraws maw a lo thlan le!

A Lo Thang Chhandamtu Pian Thu

A lo thang Chhandamtu pian thu,

Bethlehem dai bâwng in tlâwmah;

Keini sual bâwiha tâng hnute,

Min chhan chhuak tûrin a lo ni.

Aw, tûnah hian lo thang leh se,Kan aw neih chhun zawngin;Kan tâna nausên duhawm lo piang chu,A nu kiang ngeia dingin;‘Chungnung berah ropui rawh se,’Tiin kan zaipui ang;Kan tâna nausên tlawm taka lo piang,A hmingthan lo zual rawh se.

Amah fakin vân mi thianghlim,

A pian thu hrilin an lo zai;

Amah faka lo zaipui tûr,

Kan mihring zîngah an awm lo.

Keini mihring sual f amah hian,

Kan pian niin lâwmtu kan nei;

Chhandamtu pian ni lâwm tûrin,

Aw, tûnah I kal thuai ang u.

A lo pianna bâwng in tlâwm chhûng,

A Thihna thing ânche dawng chung;

A tân nun nawm ni awm lovin,

Kalvari tlângah an tuartîr.

Hmânah leiah lo tlâwm mah se,

Tûnah vân chung sang zâwkah khian;

A lal thu leh a hmangaih thu,

Vân mi sang tam takin an puang.

A lo kal leh dawn Lal Isua

A lo kal leh dawn Lal Isua, (2)
Rei lo têah a lo kal thuai ang,
Amah ringtute a hruai khâwm dawn.
(A va hlimawm dawn êm!)

A lo kalin, a lokalin

A lo kalin, a lokalin,
A lung mawi lâwr tûrin;
Lung mawi zawng zawng, lung man tamte,
A hmangaih, a ta.

A lalna Ram Chu Rawn Pêlin

A lalna ram chu rawn pêlin,
Kan tân Lal Imanuela;
Chhandamna kan beisei fo kha,
Tûnah hian a lo thleng ta.

A Hmangaihnaa Ka Chawlhin

A hmangaihnaa ka Chawlhin

Ka Pa’n min hre tawh,

A duhzâwng ka tih apiangin

Mal min sâwm fo ṭhin.

Ṭhahnem ngaih nachâng ka hriatin

Ka tân Malsâwmna;

Lungngaiha inchhîr avângin

Hmangaihna ka hmu.

A Hmangaihna Fakin I Zai Ang

A hmangaihna fakin i zai ang,

Hmangaihna dai thei ngai lova chu;

Berâmno thah thisen chhuaka chu,

Amah kan fak hun ni thlen hmain.

Nakinah, Lâwm takin,

Luipui kam mawi takah kan tâwk ang.  X2

Thisen vângin Pathian ding lamah,

Chatuan Nunna leh hlimna a awm;

Mi tin tân Nunna tui a luang a,

Chu tui chuan Lalpan min bual ang a.

A hmangaih tûnah kan tem chauh va,

Ama hmingin lâwmin kan khat a;

Vân thlen hunin eng nge awm leh ang?

 Berâmno thianghlim kan zaipui ang.

A hming a kan intawh khâwm hunin,

Kan Chatuan hmunah min tîr ang a;

Lâwm takin Pa in kan thleng ang a,

Kan chatuan Malsâwmna ram ah chuan.

A Chhuak, Malsawmna Tam Kalvari-ah

A chhuak,
Malsâwmna tam Kalvari-ah,
Chhandamtu a thih avângin;
A hausakna a tâwp lo va,
Tûnah tlêmin a tla rih ṭhin;
Tuahpuiin a lo la sûr ang.

Nunna
Leh nawmna kin ngai tawh lo kha,
A hnênah kan chang reng ang a;
Chatuanin lâwm tak leh hlimin,
A mmi thianghlimte kan pâwl ang,
Kalvari hnehna fak fovin.

Tah chuan
Mitthi ngaih te, ṭah te, nat te,
Lungngaih, thlaphân, mangan a reh;
Rilṭâm, tuihâl a awm tawh lo,
Chhandamtu hovin an hlim fo,
a nawm sawi hleih theih loh changin.

A Chanchin Hril Chu Ka Duh

A chanchin hril chu ka duh,
Vâna thil hriat loh chu;
Isua leh a ropuina
Leh a hmangaihna chu.
A chanchin hril chu ka duh,
A dik tih ka hriatin,
Ka duhnate a tilâwm,
Thil dang tihlâwm theih loh,

A chanchin hril chu ka duh,
Ka hril chu a ropui ang;
Thawnthu hlui, chul ngai lo chu,
Isua hmangaihna thu.

A chanchin hril chu ka duh,
Mak lehzuala lang chu;
Thil dang zawng zawng ai pawhin,
Leh ka mumang aiin.
A chanchin hril chu ka duh,
Ka tân sâwtna tak chu;
Chu chu thu dik chu a ni,
Tûnah ka hrilh a che.

A chanchin hril chu ka duh,
Sawi nawn a nuam a ni;
Ka hril apianga lang chu,
Thil mak tak chu a ni.
A chanchin hril chu ka duh,
Mite hriat ngai loh chu,
Chhandamna thuchah a ni,
Pathian hnên ata chu.

A chanchin hril chu ka duh,
A ṭhat hretutute chuan;
Rilṭâm, tuihâl tuar angin,
Hriat nawn an châk fo ṭhin.
A ropuina thlîr hunin,
Hla thar ka sak tûr chu,
He thawnthu hlui hi a ni,
Ka duh êm êm fo chu.

Thianghlim, Thianghlim, Thianghlim

Thianghlim, Thianghlim, Thianghlim! Engkimtithei Pathian!
Tûk tin zîng ṭianah pawh zaiin kan fak ang che;
Thianghlim, Thianghlim, Thianghlim! Zahngaithei teh Rinawm!
Pumkhat Pathian - Pa, Fa, Thlarau Thianghlim.

Thianghlim, Thianghlim, Thianghlim! Mi thianghlim zawng zawngten,
I lalṭhutphah hmaah lallukhum hlu an dah;
Cherub-ho zawng zawngte i ke bulah kûnin,
Seraph-ho nên Chatuann Lal an fak  thîn.

Thianghlim, Thianghlim, Thianghlim! Thimin a hliah che a,
Mi sualin i ropuina hmu thei lo mah se;
Nangmah chauh i thianghlim, thianghlim dang an awm lo,
Hmangaihna fîm famkim Pathian i ni.

Thianghlim, Thianghlim, Thianghlim! Engkim tithei Pathian!
Lei leh vân leh tuipuiin i hming an fak ang;
Thianghlim, Thianghlim, Thianghlim! Zahngaithei leh Rinawm!
Pumkhat Pathian - Pa, Fa, Thlarau Thianghlim.