A ral mêk lei ninawm hi,
Vân nuam a lang dawn ta;
Ka rûm ṭhîn chu ram thlîrin,
Lo lang tûr ram mawi chu.
Lei, zân angin thim mah se,
Ropuina ên vêl ram;
A hnai mêk rangkachak tual,
Imanuel ram khi.
Hmangaihna ṭhîn he leiah hian,
Vânah a zual zâwk chu.
Hmangaihna tuifinriatah,
Ka chêng ang I zârah;
Vân ropuina kima khat,
Imanuel ramah.
Ka hmangai vân rorêltu’n,
‘Ka ta I ni’ min ti;
Sual rethei hmun nei lo tân.
A phal vân Lal in khi.
Zo ka tum ve I zâr chu,
Chatuan hmun dang a vâng;
Ram ni tla lo, Berâmno
Ên vêl ram lo chu.
Movin moneitu hmêl chauh,
A thlîr angin kei pawh;
Hmuh ka châk khawpui aiin,
Hmangaihna Lal hmêl chu.
Chan tûr lallukhum aiin,
Ka ngaihlu Petu chu;
Khaw ropuina chhan ber chu,
Berâmno a ni.
Vân Lal Fa zahngaihna chuan,
Lei hmun pawh a tilâwm;
Lungngaihna thleng fo ṭhîn hi,
Hmangaihnain a hnêm.
Fak zual rawh u, Lalpa chu,
Kan phu loh lalṭhutthlêng,
Min chantîr, chhimbâl zâm vêl,
Salem kulh chhûng khi.
No comments:
Post a Comment