A Saw Râltiang Tlângah Kraws Hlun Tak

A saw râltiang tlângah, kraws hlun tak chu a ding,
Tuarna leh mualpho târlanna chu;
Kei ka tân chu kraws chu, ngaihhlutawm ber a ni,
Mi sual tân mi ṭha ber a thi si.


Chu kraws chu pawmin ka vuan zêl ang,
Thlafam dairial ka chan hma loh chuan;
Thlah lovin ka vuan tlat zêl ang a,
Lallukhum hluah ka la chan ang.

Aw, chu kraws, khawvêl mi hmuhsit leh endawng chu,
Kei ka lunglai kuaitu a ni a;
Chung Pathian Berâmno, vân ropui kalsanin,
Kalvari tlâng a put thlen vângin.

Chung Pathian hrai duhlêng thisen luan kraws-ah chuan,
Vân hnuai thang thil mawi ka lo hmu a;
Kei mi sual ngaidam leh min tithianghlim tûrin,
Ka Lalpa Isua tuarin a thi.

Rinawm leh nghet takin chu kraws chu vaun ila,
Hrehawmna leh mualpho dawn lovin;
Nakinah, vân inah min la hruai khâwm ang a,
Chatuanin ropuina kan chang ang.

No comments:

Post a Comment