Aw Hmangaihna, Min Thlah Lotu

Aw Hmangaihna, min thlah lotu,

Nangmahah ka thla chau a châwl;

Ka pe kîr che ka nun bat chu,

Tin, I thûknaah a luang ang;

Ngahin a khat zual ang.

Aw Êng, ram tina min êntu,

Ka meichher chuai hi ka pe che;

Mawi takin a êng chhuak leh ta,

Tin, I ni êngah ka awm ang;

A êng lehzual fo vang.

Aw Lâwmna, tuara min zawngtu,

Thinlung ka khâr hnan lo vang che;

Khaw dura chhimbâl zâm angin,

Hrehawmah I thutiam ka hria;

Ṭah loh tûk a ni ang.

Aw Kraws, nang, kei mi chawisângtu,

Ka tlânsan ngam tâwp lo vang che;

Ka phûm ang dam lai ropuina,

Lei pangpâr a to chhuak ang chu,

Kumkhaw nun a ni ang.