A Hmangaihnaa Ka Chawlhin

A hmangaihnaa ka Chawlhin

Ka Pa’n min hre tawh,

A duhzâwng ka tih apiangin

Mal min sâwm fo ṭhin.

Ṭhahnem ngaih nachâng ka hriatin

Ka tân Malsâwmna;

Lungngaiha inchhîr avângin

Hmangaihna ka hmu.

A faa ka awm hma pawhin,

Ka Pa’n min hre tawh;

Thlalêr hrehawmna ka awmin,

Anin min vêng zêl.

Tûn thlengin min la hruai fo va,

Hlauhawm zîngah pawh;

Lâwm takin keiin ka zui ang,

Zion tlâng thlengin.

Lalpa chawimawi tûrin inpe

La, khawvêlah hian;

I sualna zawng zawng nên pan la,

A lo chhâwk ang che.

I lawman chu a chuai lo vang,

Lalpa hmaah chuan;

Lalpa chu fakin lo zai la,

Zion tlâng thlengin.