Pathian ropui rawh se, Chhandamna petu

Pathian ropui rawh se, Chhandamna petu,

Khawvêl hmangaih vângin a Fapa min pe;

Ka sual tlanna tûra a Nunna pein,

Chhandamna kawng a hawng, mi tin luh theih nân.

Fak rawh u, fak rawh u, khawvêl mi tinrêngin,

Fak rawh u, fak rawh u, mi zawng zawngin fak r’u;

Pa hnênah ko kal r’u, Lal Isua ringin,

Chhandamna, chatuana nunna nei tûrin.

Thisena lei, aw, Chhandamna famkim chu,

Ringtu zawng zawngte tâna Pa thutiam chu,

Mi sual ber pawhin hei hi a rin duh chuan,

Lal Isua ngaihdamna a chang nghâl ngei ang.

Thil ropui tiin, thil ropui min zirtîr,

Kan lâwmna, kan hlimna, Krista Lal Isua;

Lâwmna ber, hlimna ber kan chan hun tûr chu,

Chhandamtu Lal Isua hnên kan thlen hunah.