Kan Pathian, Kan Puipa Pângngai

Kan Pathian, Kan Puipa pângngai,
Kan hma lam beiseina;
Kan hliahkhuhna, khaw dur thlen lai,
Kan chatuan in – Nangmah.


Nangma lalṭhutphah phênah chuan,
I mi an chêng mai hi keini tân,
I bân phar mai hi keini tân,
A tâwk e, phaw kan nei.

Tlâng rêng an lo din chhuah hma khân,
Lei la inrêl hma hian;
Pathian i ni reng, chatuana’n,
Dang chuang thei lo, chatuan.

Nangma tân kum sâng sâwm pawh hi,
Mitkhap kâr a tling lo;
Tûn hma, tûn hnu, keinin kan ti,
Nangin ‘tûn, ’I ti fo.

Hun hian lui lian luang zêl angin,
Hring fa a lên bo fo;
Zîngah mumang a lo ral ṭhîn,
Kan inang, rin tlâk loh.

Kan Pathian, kan Puipa pângngai,
Kan hma lam beiseina;
Kan hliahkhuhna, khaw dur thlen lai,
Kan chatuan in – Nangmah.