Kan Pathianin Min Hruai Zêl Ṭhin

Kan Pathianin min hruai zêl ṭhin,
Chu chu hriain ka lâwm êm êm;
Ka thiltih zawng ka tih apiang,
Ama kutin min hruai zêl thîn.

Min hruai zêl ṭhîn, min hruai zêl ṭhin,
Ama kutin min hruai zêl ṭhîn;
A zuitu fel tak nih ka duh,
Ama kutin min hruai zêl ṭhîn.

A châng chângin ka lungngaiin,
A châng chângin ka lo lâwm ṭhîn;
Hlauhawmah leh hlauhawm lohvah,
Ama kutin min hruai zêl ṭhîn.

Thil eng pawh ka chungah thleng se,
Lungngai lovin ka lo lâwm ang;
Huai tak pawhin ka awm reng ang,
Ama kutin min hruai zêl ṭhîn.

Khawvêla thil ka tih zawhin,
Ka sualte pawh ngaihdam niin;
Ka thih dâwnin ka hlau lo vang,
Ama kutin min hruai zêl ṭhîn.