Aw Lal Pathian, I Kutchhuak Thilsiam Tinrêng

Aw Lal Pathian, I kutchhuak thilsiam tinrêng,
Dâwn changin mak tiin ka lo khat ṭhîn;
Zântiang siâr zozai leh chung khawpui ri,
I thil tih theih boruak zauva lang nên.

Chutin fak che thlain a nuam Lalpa,
Aw ropui ber! Aw ropui ber!
Chutin fak che thlain a nuam Lalpa,
Aw ropui ber! Aw ropui ber!

Lêntupui leh tukram phûllêng fan changin,
Sîrva zai mawiten sang thing tin awi e;
Khua chuan ila, tlâng sang tinrêng aṭangin,
Dam te’n luang e, lui leh thlifîm nuamte.

Lal Pathianin a Fapa chu zuah lovin,
Ka dâwn sêng lo, dairial changin a tîr;
Kraws chungah chuan ka sual a phur lâwm takin,
Thisen chhuakin a thi, ka sual tlanin.

Krista chu au thâwm nên a lo kal hun chuan,
Min hruai ang Vânah hlimin ka khat ang;
Lâwm takin ka chawimawi ang, a hma kûnin,
‘Aw ropui ber,’ tiin ka fak tawh ang.