Aw, Vân Lalpa Chu Rawn Fak R'u

Aw, vân Lalpa chu rawn fak r'u,
In lâwm hla nên chawimawi r’u;
Tlan chhuah, ngaihdam leh chhandamte,
Lâwmin a hma i kûn ang.
Fak r'u, fak r'u, fak r'u,
Fak r'u, chatuan Lalpa chu.

Fak r'u, a khawngaihna vâng hian
Leh kan chunga a ṭhatna;
Kam fel lohnate dawh theiin,
Kumkhuain mal min sâwm a.
Fak r'u, fak r'u, fak r'u,
A ngilneih a ropui êm e!

Kan chak lohnate hi hriain,
Pa angin min enkawl fo;
A ângchhûngah min humin,
Kan dote min hnehsak ṭhin.
Fak r'u, fak r'u, fak r'u,
A ṭhatna a thûk êm e!

Nangni vântirhkohte pawhin,
A chawimawina min pui r’u;
Ni leh thla, a hmaa kûnin,
Thil siam tinrêng lo au r’u;
Fak r’u, fak r’u, fak r’u, fak r’u,
Khawngaihna khat kan Pathian.